POLISI WAIMARISHA ULINZI ZIWA TANGANYIKA KWENYE MIKOA YA KATAVI , RUKWA NA KIGOMA

 

Kamanda wa Jeshi la Polisi Mkoa wa Katavi, Kaster Ngonyani.

Na Walter Mguluchuma, Katavi.

Jeshi la Polisi  limefanikiwa kuimalisha ulinzi  katika  Ziwa  Tangamyika   hali  iliyopelekea  kupunguza  kwa  matukio ya  unyang’anyi wa  kutumia nguvu   uliokuwa ukifanywa na raia wa kutoka katika   nchi za jirani   na kupelekea sasa  ukanda wa ziwa  Tanganyika kuwa salama.

Hayo yamesemwa  na  Naibu Kamishina  wa Polisi  kutoka makao makuu ya  jeshi  ambae   mkuu wa operesheni maalimu za  jeshi la Polisi  nchini,  Kayo  Msekela  wakati wa kikao cha   wadau wa  ukanda wa ziwa Tanganyika  kilichowashirikisha pia wakuu wa  jeshi la polisi wa Mikoa ya Katavi .Rukwa na Kigoma kilichofanyika  katika ukumbi wa  ofisi ya kamanda wa polisi wa Mkoa wa Katavi .

Amesema  lengo la kufanyika kwa kikao hicho  ni kuishirikisha jamii  katika  mapambano dhidi ya uhalifu  na wahalifu  katika ziwa hilo  kwani hapo awali  kulikuwa  na mlipuko  mkubwa  katika  ziwa Tanganyika wa uhalifu .

Amebainisha  kuwa ziwa  hilo ni tunu kubwa kwa nchi ya Tanzania ambalo  linapakana pia na  nchi za Burundi , Kongo  na Zambia  ambao  wote tunahaki  ya kulitumia  kwa kuzingatia  mipaka.

Naibu  Kamishina Msekela  amesema  uhalifu  ambao ulikuwa umeibuka katika ziwa hilo ulikuwa wa kutumia silaha  upolaji wa injini za boti ,samaki na vifaa vinavyotumika  kwenye  uvuvi  baada ya  uhalifu huo jeshi la  polisi  kwa kutumia  wadau wanao tumia ziwa hilo  kwa  shughuli muda wao waliona waanze kukutana na kujadili namna ya kutatua changamoto  hiyo .

Na  tangu  wameanza kufanya   vikao  hivyo  toka  mwaka 2022   ni   matukio  matatu tuu ambayo yametokea  kwa kipindi cha miezi  sita  ambayo yametokea kwenye ziwa hilo ambapo kwa mkoa wa Rukwa lipo tukio moja na Mkoa wa Kigoma   mawili  ya unyang/anyi wa kutumia nguvu na wahalifu wanaendelea kutafutwa   kwani taarifa wazozipata wahalifu wanatoka Nchi  ya Kongo .

Amewahakikishia Watanzania kuwa nchi hii ipo salama  kwenye ukanda wote wa ziwa  kwenye  Mikoa hiyo mitatu  hivyo wananchi waendelee kufanya shughuli zao  zinazowaingizia kipato  alali  ila pindi wanapoona  kunaviashiria vya uhalifu watowe taarifa mapema .

Bahati  mbaya wahalifu hao wanapofanya uhalifu huwa wanakimbilia kwemye  Nchi zao   hata  hivyo  kuna  vikao vya ujirani  mwema  baina ya wakuu wa polisi wa Mikoa hiyo na ukanda wa  nchi wanazopakana na kuweza kubadilishana taarifa.

Kamanda wa Polisi wa Mkoa wa Katavi Kaster  Ngonyani amesema  vikao  hivyo wamekuwa wakivifanya  kwa ajiri ya  kuimalisha ulinzi na usalama  katika Ziwa Tanganyika .

Amesema  vikao  hivyo  ni endelevu  kwa ajiri ya kudhibiti uhalifu katika ziwa hilo  kwani  wavuvi walikuwa wakipata shida sana ya kupolwa mali zao  wanapokuwa wamekwenda kuvua na kukutana na watu wa  nchi nyingine .

Amefafanua kuwa toka wameanza  utaratibu huu matukio yamepungua sana si kama ilivyokuwa hapo  awali  kulivyikuwa na matukio makubwa  na wanashirikiana kufanya ulinzi na  nchi zinazopakana  na ziwa hilo .

Nae    mdau wa kikao  hicho  Diwani wa  Kata ya Karema Michael  Kapata  alisema  wahalifu wanaokuwa wamepatikana  kwenye ziwa  Tanganyika  ni vema wakatungiwa  sheria kali zaidi.

TANGAZO LA SHULE YA AWALI NA MSINGI YUMA MTAA WA MISUKUMILO MANISPAA YA MPANDA MKOA WA KATAVI.

Wasiliana kwa namba ya simu. 0682 807 755 au 0750 422 103