BILIONI 2.9 KULIPA FIDIA WANANCHI 568 KUPISHA MRADI WA MAJI

Wananchi wa Kata ya shanwe na Misunkumilo Manispaa ya Mpanda Mkoa wa Katavi wakimsikiliza Mkuu wa Mkoa wa Katavi Mwanamvua Mrindoko 

Na Paul Mathias -Katavi

Serikali katika Mkoa wa Katavi kupitia Wizara ya Maji imeletafedha kiasi cha Shilingi Bilioni 2.9 kwaajili ya kuwalipa fidia wananachi 568 wa Halmashauri ya Manispaa ya Mpanda watakao pisha Mradi wa maji wa miji 28 unaotekelezwa kupitia chanzo cha maji cha bwawa la milala.

Mkuu wa Mkoa wa Katavi,Mwanamvua Mrindoko akizungumnza na wananchi wanaopisha mradi wa Maji Manispaa ya Mpanda 

Serikali katika Mkoa wa Katavi kupitia Wizara ya Maji imeletafedha kiasi cha Shilingi Bilioni 2.9 kwaajili ya kuwalipa fidia wananachi 568 wa Halmashauri ya Manispaa ya Mpanda watakao pisha Mradi wa maji wa miji 28 unaotekelezwa kupitia chanzo cha maji cha bwawa la milala.

Akizungumnza na wananchi wa Mtaa wa Kigamboni,Shamwe na Mtemi beda zilizopo kata ya Shanwe na Misunkumilo Manispa ya Mpanda Mkoa wa Katavi,Mkuu wa Mkoa wa Katavi Mwanamvua Mrindoko amesema fedha hiyo tayari imeshafika Mkoa wa Katavi kwaajili ya kuanza kulipafidia hiyo.

‘’ndungu wananachi jambo letu limetiki ambalo tulikuwa tunalisubiria kwa hamu sana naomba kuwapa taarifa kuwa tayari fedha hiyo kiasai cha Shilingi Bilioni 2.9 zimeshafika mkoa wa Katavi kwaajili ya fidia yenu’’-Mrindoko

Mrindoko amewaomba wananchi hao kuaanda vielelezo walivyofanyiwa tathimini ili siku malipo yatakapoanza yaanze kwa muda muafaka pasipo na changamoto yeyote.

Aidha ametoa siku 90 baada ya Malipo hayo kufanyika kuondoka kwenye maeneo hayo ili serikali iendelee na ujenzi wa mradi huo wa maji ambao utakuwa mkombozi kwa upatikanaji wa huduma ya maji kwa wananachi wa Manispaa ya Mpanda na Mkoa wa Katavi kwa ujumla.

‘’Nimekubali ombi lenu ya kupeana siku 90 tangu malipo kufanyika kuhakikisha mnaachia maeneo haya kwakuwa tayari fidia mtakuwa mmelipwa’’-Mrindoko.

Amewaomba wananachi hao pindi watakapolipwa fidia hiyo kwenda kufanya kazi za maendeleo kwenye familia zao na sio kwenda kutumia fedha hizo katika mambo ambayo hayana tija kwao.

Mwenyekiti wa CCM Mkoa wa Katavi Idd Kimanta akitoa shukrani kwa serikali ya Rais Dk Samia Suluhu Hassan kwa kuleta fedha kwaajili ya malipo ya fidia kwa wananchi hao.

‘’Fedha hii iliyotolewa na Rais Dk Samia Suluhu Hassan mkaitumie kwa malengo kusudiwa kuna wengine wakipata fedha hii anaipeleka kwa mganga ili ikaongezeke tusifanye hivyo tukazitumie kwa ajili ya maendeleo’’- Mrindoko.

Idd Kimanta Mwenyekiti wa Chama cha Mapinduzi [CCM] Mkoa wa Katavi amemwagiza Mkuu wa Mkoa wa Katavi kuhakikisha malipo hayo yanaanza kufanyika ndani ya wiki mbili ili wanananchi hao waanze kuandaa makazi yao ya kudumu.

Paul Matyampula Mwananchi mnufaika wa fidia hiyo akitoa neno kwa serikali kwa kusikia kilio cha cha kupatiwa fedha ya fidia

Mwenyekiti huyo amemshukuru Rais Dk Samia Suluhu Hassan kwa kuona umuhimu wa kuleta fedha hiyo kwaajili ya kuwalipa fidia wananchi hao ili serikali iendelee na utekelezaji wa mradi huo.

Mradi wa maji wa Miji 28 unatekelezwa na serikali ya Jamhuri ya muungano wa Tanzania kupitia wizara ya maji kwa kushirikiana na serikali ya India ambapo katika manispaa ya Mpanda mradi huo utakamilika kwa gharama ya shilingi Bilioni 22.