TAMCODE WAITAKA JAMII KUIBUA URITHI WA UTAMADUNI

 

Na Walter  Mguluchuma, Katavi 

Wananchi wa Mkoa wa Katavi  pamoja na Wandishi wa Habari  na  wanautamaduni   wametakiwa  kuibua  urithi wa utamaduni usioshikika  ulioko katika  maeneo mbalimbali ya Mkoa wa Katavi  ili kukuza fursa za uchumi  na  kuvutia  wawekezaji.

Wito huu umetolewa   mwishoni mwa wiki iliyopita na Afisa  utamaduni wa Halmashauri ya Manispaa ya Mpanda  Bakari  Hamza  wakati aliopokuwa akifunga  mafunzo  ya siku mbili  ya Wandishi wa  Habari yakuwajengea uwezo wa kutangaza fursa za urithi wa utamaduni usioshikika kwenye Mkoa wa Katavi    kwenye mafunzo   yaliyoandaliwa  na  shirika la  Tanzania  Media for  Community  Development  kwa ufadhili  wa mradi wa UNESCO.

Amewataka washiriki wa  mafunzo  hayo  wayatumie vizuri ili kuhakikisha  jamii na kundi  la  vijana  na wasichana kuacha  dhana ya kutegemea ajira zinazotolewa  na Serikali .

amewaomba watumie  vitu vya asili  ambavyo vinapatikana  katika  Mkoa wa Katavi  ambavyo  hadi  sasa  jamii ya wananchi wa Mkoa wa Katavi hawavitumii  vizuri  ipasavyo .

Awali akifunga mafunzo hayo   kwa niaba ya Mkuu wa Wilaya ya Mpanda  Leah  Gawaza  amewahimiza wandishi wa Habari kutangaza kwa nguvu zote  urithi wa utamaduni usioshikika .

Carol  Steven   Afisa utamaduni  na  Vijana Mkoa wa Katavi  amewahimiza wandishi wa Habari wa Mkoa wa Katavi   kutumia  nafasi yao kuchangiza kutangaza  urithi wa utamaduni  wa urithi  usioshikika.

  Mafunzo hayo yamewashirikisha  wasanii wa kutoka  Chuo Kikuu cha Dodoma.