MBUNGE AMPONGEZA RAIS SAMIA KULETA FEDHA KULIPA FIDIA WANANCHI

Mbunge wa Jimbo la Mpanda Mjini Sebastian Kapufi akizungumnza na wananchi wa Kata ya Shamwe na Misunkumilo Mtaa wa Mtemi Beda wakati wa Hafla ya kukabidhi hundi kwa wananchi wanaopisha mradi wa Maji wa Miji 28.

 Na Paul Mathias-Mpanda 

Mbunge wa Jimbo la Mpanda Mjini Sebastiani Kapufi ameishukuru serikali kupitia Wizara ya Maji kwa kuleta fedha kiasi cha Shilingi Bilioni 2.9 kwaajili ya kuwalipa fidia wananchi 568 wa Kata za Shanwe na Misunkumilo kupisha mradi wa maji wa miji 28 katika manispaa ya Mpanda Mkoa wa Katavi.

Wananchi wa Kata ya Shanwe na Misunkumilo wakiwa katika Picha ya pamoja na Mkuu wa Mkoa wa Katavi,Mwamamvua Mrindoko[wapili kushoto] pamoja na Mbunge wa Jimbo la Mpanda Mjini Sebastiani Kapufi[Katikati]kushoto kwake Jamila Yusuph Mkuu wa wialaya ya Mpanda wakikabidhi hundi ya Malipo kwa wananchi hao

Mbunge wa Jimbo la Mpanda Mjini Sebastiani Kapufi ameishukuru serikali kupitia Wizara ya Maji kwa kuleta fedha kiasi cha Shilingi Bilioni 2.9 kwaajili ya kuwalipa fidia wananchi 568 wa Kata za Shanwe na Misunkumilo kupisha mradi wa maji wa miji 28 katika manispaa ya Mpanda Mkoa wa Katavi.

Kapufi ametoa pongezi hizo wakati wa hafla ya kukabidhi hundi kwa wananchi iliyotolewa na Mkuu wa Mkoa wa Katavi,kapufi amesema kuwa miongoni mwa jambo ambalo lilikuwa changamoto kwa wananchi hao ni kutolipwa fidia kwa wanananchi hao.

‘’Jambo hili lilikuwa mfupa mgumu sana bwana Matyamula hapo na timu yake ilikuwa mkiwa kwenye mkutano wowote yaani atafata mkutano popote na hoja yake ni kuhusu fidia kwa wananchi wa bwawa la milala’’-Kapufi

Amempongeza Rais wa Jamhuri ya muungano wa Tanzania Dk Samia Suluhu Hassan kwa kuona umuhimu wa kuleta fedha za fidia kwa wananchi hao ili mradi wa maji uendelee kutekelezwa ili kuwanufaisha wananchi wa manispaa ya Mpanda.

‘’Furaha hii tuipeleke kwa Rais wetu Dk samia Suluhu Hassan fedha iliyoletwa ni zaidi ya Bilioni 2 ukiacha mradi mzima ambao unathamani ya Bilioni 22 .8 mradi huu niwa kimkakati lakini bila fidia kwa wananchi ingekuwa changamoto kutekelezeka kwake’’-Kapufi.

Ameeleza kuwa kilichofanywa na serikali kwa kuwalipa fidia wananchi hao ni haki yao ya Msingi ambayo wananchi hao walikuwa wanaisubiria kwa hamu kubwa.

Katika hatua nyingine ameiomba serikali kuendelea na mchakato wa kuwalipa fidia wananchi waliopisha mradi wa ujenzi wa barabara ya Mpanda stalike kwakuwa wanaanchi hao wamekuwa wakisubiria fidia yao kwa muda mrefu sasa.

Mkuu wa Mkoa wa Katavi,Mwanamvua Mrindoko akizungumnza na wananchi wa Kata ya shanwe na Misunkumilo kwenye hafla ya kukabidhi hundi ya malipo kwaajili ya kupisha mradi wa maji

Kwa upande wake Mkuu wa Mkoa wa Katavi Mwanamvua Mrindoko ameishukuru serikali kwa kuleta fedha hiyo kwaajili ya malipo ya fidia hiyo kwa wananchi kwakuwa wananchi hao walikuwa na hamu ya kuona malipo yao yanalipwa kwa wakati.

Mrindoko amewahakikishia wanananchi hao zoezi la Malipo litakamilika ndani ya wiki mbili ili wanananchi wakaanze kuandaa makazi mapya baada ya malipo hayo kufanyika.

Amewaomba wananchi watakao lipwa fidia hiyo kuondoka ndani ya siku Tisini baada ya malipo kufanyika kama walivyokubaliana .

Mradi wa Maji wa Miji 28 unatekelezwa katika Manispaa ya Mpanda kwa Gharama ya shilingi Bilioni 22.8 mradi ambao utagemea chanzo cha Bwawa la milala kama chanzo kikuu cha upatikanaji wa huduma ya maji kwa wananchi wa Manispaa ya Mpanda.