Na Abdi Lunyamila.
Shirika la Hifadhi ya
Jamii NSSF limewataka Wananchi Wanachama kuendelea kutoa taarifa zao za mfuko
pale wanapo ona changamoto au kutokuwepo kwa michango yao ili kuwezesha
mchakato wa uboreshaji huduma kwa Wateja.
Hayo yamebainishwa na Meneja wa NSSF Mkoa wa Katavi Ndg.Jacob
Sule Wakati wa maadhimisho ya siku ya kutoa Huduma kwa wateja yaliyofanyika
tarehe 05 mwezi wa 10 2026 Mpanda mjini katika Ofisi za NSSF Mkoa wa Katavi.
Sule amebainisha kuwa hatua hiyo ni muhimu ili kuhakikisha
taarifa zote zinakuwa sahihi na kulinda haki ya kupata mafao ya Wanachama kwa
wakati bila kusuasua tofauti na ilivyo
kuwa miaka ya nyuma ambapo baadhi ya Wanachama wamekuwa wakifuatilia mafao yao
kwa muda mrefu sana.
Aidha ametoa wito kwa mashirika mbalimbali hususani mashirika binafsi kwa mujinu wa sheria kwa kuhakikisha michango ya Wanachama inawasilishwa kila mwezi tena kwa wakati kwa sababu hatua hiyo ni muhimu katika kulinda haki za wafanya kazi na kuhakikisha wanapata stahiki zao wanapo hitaji.
Amesema Nssf bado inatambua ya kwamba kuna maeneo bado
yanahitaji maboresho ikiwepo kuongeza uelewa kwa wateja kuhusu haki na wajibu
wao na kuhakikisha kuwa michango inawasilishwa kwa wakati “NSSF itaendelea kushuhulikia
changamoto hizi kupitia utoaji wa Elimu,ufuatiliaji na uboreshaji wa utoaji wa
huduma kwa Wateja na kwa upande wetu Watumishi tutahakikisha tunasimamia uchapa
kazi haki na uadilifu ili huduma bora kwa vitendo isiishie kauli mbiu yetu ya
maadhimisho haya”. Amesema Sule
Kwa upande wao wanachama wamesema Watoa huduma wa Nssf
wanatakiwa kuwa na moyo wa upendo pindi wanapo wahudumia, vilevile kutoa Elimu
kwa Umma kitu ambacho kitaleta motisha kwa Wananchi wengine ambao bado
hawajaiunga na hatimaye kujiunga.
.PNG)
