TAKUKURU KATAVI WAOKOA ZAIDI MILIONI 170

 

Kaimu Mkuu wa Taasisi ya Kuzuia na Kupambana na Rushwa (TAKUKURU) Mkoa wa Katavi Faustine Maijo

Na Walter Mguluchuma KTPC,Katavi

Katika kipindi cha miezi mitaa ya Oktoba  hadi Desemba mwaka jana Takukuru Mkoa wa Katavi wamefanikiwa  na kuokoa  na kudhibiti  jumla ya   fedha  Tshs  170,396,203 na wameanzisha utaratibu  wa Mobile  PCCB  inayotembea  kwa kutenga siku moja kila mwezi .

 Fedha hizo ambao zimeokolewa na Takukuru  na kuthibitiwa  ni kwenye  maeneo ya  Mpate  Saccos, chama cha  ushirika Amos Kasekese , ukusanyaji wa ushuru  ya pos  na uvunaji wa magogo.

 Kaimu Mkuu wa Takukuru wa  Mkoa wa Katavi  Faustine  Maijo alisema kuwa  katika  kipindi cha mwezi oktoba hadi Desemba mwaka jana  wamefanikiwa  kuokoa  na kudhibiti  jumla ya fedha  Tshs 170,396,203 ambazo zimeokoewa na kudhibitiwa .

 Aliyatajamaeneo waliyookoa fedha na kuthibiti kuwa ni  maeneo yaMpate  Saccos 550,000 Kasekese Amcos  62,974,520,  ukusanyaji wa ushuru kwenye Halmashauri  kwa njia pos  tshs  54,757,060 na kiasi cha tshs 1,535,000 za wadaiwa sungu  kwenye mikopo ya akina mama  ,vijana na watu wenye ulemavu .

  Katika ufatiliaji  wa fedha  za miradi  ya Maendeleo  wamefatilia miradi  ya thamani  ya Tshs 2,700,855,890 ambapo miradi hiyo  ni ujenzi  wa Hospitali katika Halmashauri ya Nsimbo ,  matumizi ya asilimia 10 kwa ajiri ya mapato ya ndani ya Halmashauri , ujenzi wa  hospitali ya Wilaya ya Tanganyika  pamoja na miradi ya maji na nyumba za walimu na zahanati .

 Maijo alieleza kuwa katika kipindi hicho  wamepokea jumla ya malalamiko 100 kati ya hayo  78 yalihusu vitendo vya rushwa  na malalamiko 22 yalihusu makosa mengine  .

 Pia   wanaendelea  na uchunguzi  wa  watumishi watatu  wa idara ya afya  kituo cha Ilembo  kilichoo katika Manispaa ya Mpanda  wanatuhumiwa kuiba dawa  za  Serikali  na kuomba  na kupokea Rushwa kutoka kwa wagonjwa  waliokuwa wamelazwa kwenye kituo hicho .

Maijo alieleza kuwa kuanzia  mwezi januari mwaka huu  wameanzisha  utaratibu  wa Mobile  PCCB  inayotembea  kwa kutenga siku moja  kila mwezi  inayowafuata  wananchi  huko waliko  kwa lengo  la  kuwasikiliza na kutatua kero zao .

Lengo la kufanya hivyo ni kuzidi kuongeza huduma zaidi kwa wananchi kwani wapo wamekuwa wakishindwa kutowa taarifa za maswala ya Rushwa kutokana na kuishi mbali na ofisi za Takukuru.