WANANCHI MLELE WAANZA KUNUFAIKA NA HUDUMA ZA HOSPTALI MPYA.

 

Moja ya Jengo la Hosptali ya Wilaya ya Mlele likiwa limekamilika kwa ajili kutumika

Na Ezrom Mahanga KTPC ,Mlele.

Wakazi wa Wilaya ya Mlele Mkoa wa Katavi wameanza kunufaika na huduma za afya katika Hosptali ya wilaya hiyo ambayo imeanza kufanya kazi kwa mara ya kwanza.

Kuanza kutumika kwa hosptali hiyo ni miongoni mwa hosptali tatu za wilaya zilizojengwa Mkoani Katavi kwa lengo la kuimarisha upatikanaji wa huduma za afya,ambapo kwa muda mrefu wananchi walikuwa wakitumia umbali mrefu kusafiri kwa ajili ya kutafuta huduma za matibabu.

Baadhi ya wananchi wameeleza namna wanavyonufaika na huduma zinazotolewa hosptalini hapo na kueleza namna serikali ilivyopunguza mzingo wa kusafiri umbali kwenda kutafuta matibabu makubwa katika Hosptali teuli ya rufaa ya Mkoa wa Katavi  iliyopo Manispaa ya Mpanda zaidi ya kilomenta mia moja.

Simon Warioba mkazi wa mji mdogo wa Inyonga anasema kuwa wilaya ya Mlele kuwa na Hosptali kubwa ni mwarobaini mwa kero ambazo kwa muda mrefu zimekuwa zikiwatesa ambazo ziliwafanya kujiona kama watu yatima waliotengwa na serikali kwenye kuletewa huduma muhimu ya kijamii kama hiyo ya hosptali.

Kutokana na kuanza kutumika kwa hosptali hiyo Warioba alimshukuru Mkurugenzi Mtendaji wa Halmashauri ya Mlele kwa usimamizi bora wa ujenzi wa hosptali hiyo huku akimwomba kuzidi kuchapa kazi kwa masirahi ya Mlele na taifa kwa ujumla.

Aisha Athumani amefafanua kuwa kama mwanamke na mzazi wa watoto sita,kuanzishwa kwa hosptali hiyo ni mapenzi makubwa yaliyooneshwa na rais Dkt John Magufuli kwa kutoa fedha ambazo zilifanikisha ujenzi wa hosptali hiyo.

"...naimani sasa suala la kusafiri umbali mrefu kutafuta matibabu limekwisha suala la muhimu ninachoomba wahudumu wa afya kuwa waamini kwa kuachana na tabia za wizi wa dawa kwani tumeona wizi ukitokea kwenye hosptali zingine,na ukienda kutibiwa unaambiwa hakuna madawa" alisema Aisha.

Kaimu Mganga mkuu wa Hosptali ya Wilaya ya Mlele, Dkt Baraka  Jackson anabainisha kuwa hosptali ya wilaya hiyo imeanza kutoa huduma za matibabu kwa wangonjwa  mwenzi wa nane mwaka jana,

Ambapo Kaimu Mganga mkuu huyo amesema kama wahudumu wa afya wanajukumu kubwa la kutoa huduma bora kwa wananchi ili wawe na afya njema.