 |
| Kamanda wa Polisi Mkoa wa Katavi Kaster Ngonyani |
Na Walter Mguluchuma,Katavi
Katika hali isiyokuwa ya kawaida wananchi katika Kijiji cha Ikola Wilaya ya Tanganyika mkoa wa Katavi wameharibu Nyumba ya Diwani wa Kata ya Ikola Philmoni Molo pamoja na Nyumba ya kulala wageni ya Mfanyabiashara mmoja aliejulikana kwa Jina la Ogoza wakiwa tuhumu kwa kutoa taarifa Polisi ili kuzuia zoezi la kuwatambua wachawi linalofanywa na watu maalufu kwa majina ya Kamchape.
Katika hali isiyokuwa ya kawaida wananchi katika Kijiji cha Ikola Wilaya ya Tanganyika mkoa wa Katavi wameharibu Nyumba ya Diwani wa Kata ya Ikola Philmoni Molo pamoja na Nyumba ya kulala wageni ya Mfanyabiashara mmoja aliejulikana kwa Jina la Ogoza wakiwa tuhumu kwa kutoa taarifa Polisi ili kuzuia zoezi la kuwatambua wachawi linalofanywa na watu maalufu kwa majina ya Kamchape
Kwa mujibu wa Mashuhuda wa tukio ambao hawakuwa tayari Kutajwa Majina yao wamesema kuwa tukio hilo limetokea leo mchana wakati wakati wa tukio hilo Asikari Polisi waliokuwa wakioongozwa na Kaimu Kamanda wa jeshi la Polisi Mkoa wa Katavi Agust Urio licha ya kutaka kuwatawanya Wananchi waliokuwa na Silaha za jadi walifanya Mashambulizi ya kuwashambulia Polisi huku polisi wakiwatawanya Wananchi anbao hawakuwa tayari kutii na waliendelea kuwashambulia polisi na kuharibu Mali za Mfanyabiashara huyo.
Kabla ya kufanya Tukio hilo kundi
hilo la wananchi ambalo wengi wao ni Vijana Wakiwa na Kamchape walifika Nyumbani kwa Diwani walimkuta mkewe
ndipo walipoanza kushambulia Nyumba hiyo kwa Kuvunja vioo vya Nyumba hiyo na
kuchukua Vitu Mbalimbali ikiwemo Cleti za Soda na Bia.
Wananchi hao waliaendelea kupiga
Makelele wakidai kuwa Diwani huyo ametoa taarifa kwa Jeshi la polisi juu ya
uwepo wa zoezi la kuwabaini wachawi kijijini hapo ambalo linafanywa na watu
wanaojiita Kamchape.
Wakati wananchi hao wakiendelea
kufanya Uharibifu huo Jeshi la Polisi lilitumia Mabomu ya Machozi ili
kuwatawanya Wananchi hao lakini wananchi hao waliendelea kufanya uharibifu huo
huku wakiwashambulia Polisi kwa silaha za jadi na kuwarushia Mawe polisi ili
waondoke eneo hilo kwakuwa wananchi hao wamechoshwa na Vitendo vya Kishirikina
kijijini hapo.
Mkuu wa Wilaya ya Tanganyika
Onesemo Buswelu amekiri kupokea kwa Taarifa hizo na kuahidi kesho kufika katika
Kijiji cha Ikola ili kufatilia swala hilo kiundani zaidi.
‘’nimepata taarifa hizo na kesho
asubuhi naenda huko’’ amesema Mkuu huyo
wa Wilaya ya Tanganyika Onesmo Buswelu wakati akiongea na Mwandishi wa Chombo hiki
kwa njia ya Simu.
Kaimu kamanda wa Polisi mkoa wa Katavi
Agust Urio alipotafutwa kwanjia ya Simu kuzungumzia suala hilo amesema amesekia
tukio hilo na kesho atalifatilia na kutoa taarifa zaidi.
''hata mimi nasikia tu kuwa kunatukio la nyumba ya Diwani kuharibiwa kesho nitafatilia amesema Kaimu kamanda Huyo Agust Urio
Mnamo Tarehe 29/8/2023 chombo hiki kiliandika habari juu ya taarifa za wananchi wa Tarafa ya Karema kuchangishana Pesa kwaajili ya kuwalipa Waganga wa Kienyeji Maalufu Kamchape iliwafike eneo hilo kuwabaini Wachawi
.PNG)
