KATAVI YAWEKA MIKAKATI YA KUDUMU MATUMIZI YA NISHATI SAFI

Mkuu wa Mkoa wa Katavi,Mwanamvua Mrindoko akizungumzia umuhimu wa matumizi ya Nishati safi kwa wananchi wa Mkoa wa Katavi [Picha na Paul Mathias]

Na Walter Mguluchuma-Katavi

Mkuu wa Mkoa wa Katavi Mwanamvua Mrindoko amewahakikishia wananchi wa Mkoa wa Katavi kuwa ifikapo mwaka wa 2034 wananchi wa Mkoa wa  Katavi zaidi  ya  asilimia  80 ya wananchi wa Mkoa wa Katavi watakuwa wanatumia  nishatisafi  ukiwa  ni utekelezaji wa  maelelezo  ya mwongozo ulitolewa na Rais  Dkt  Samia Suluhu  Hassan.

Baadhi ya wananchi wa Mkoa wa Katavi wakipatiwa Elimu kuhusu matumizi ya Majiko banifu yanayomia nishati mbadala kwaajili ya kupikia Majumbani[Picha na Paul Mathias]

Mkuu wa Mkoa wa Katavi Mwanamvua Mrindoko amewahakikishia wananchi wa Mkoa wa Katavi kuwa ifikapo mwaka wa 2034 wananchi wa Mkoa wa  Katavi zaidi  ya  asilimia  80 ya wananchi wa Mkoa wa Katavi watakuwa wanatumia  nishati safi  ukiwa  ni utekelezaji wa  maelelezo  ya mwongozo ulitolewa na Rais  Dkt  Samia Suluhu  Hassan.

Hayo ameyasema wakati  alipokuwa akiongea  na wandishi wa Habari Ofisini  wakati  alipokuwa akielezea  mikakati mbalimbali iliyowekwa na Mkoa wa Katavi katika kuhakikisha wanafikia lengo hilo .

Mrindoko amesema  hivi karibuni  Rais Dk Samia Suluhu Hassan  ametoa  maelekezo na mwongozo  kuhusiana na  mkakati wa Kitaifa  wa nishati safi  na katika  mkakati huo  Serikari ya Jamhuri ya Muungano wa Tanzania  imekusudia  ifikapo mwaka 2034  inatakiwa zaidi  ya  asimia 80  ya wananchi wawe wameanza kutumia nishati safi  katika kupika na kwenye matumizi mengine yanayotumia nishati .

Wadau mbalimbali wanaouza Majiko yanayotumia Nishati Mbadala wakiendelea kutoa Elimu kwa wananchi Kuhusu matumizi ya Majiko hayo .Picha na Paul Mathias]

 ''Mkoa wa Katavi  umeanza  kufanyia kazi  mkakati huu katika Wilaya zote za  Mkoa wa  Katavi za kuhakikisha ifika mwaka huo wanafikia lengo hilo  la wananchi kuwa wanatumia nishati safi  ambayo ni gesi ,umeme na majiko  banifu ya aina mbalimbali  yanayotumia nishati kidogo''-RC Mrindoko 

Mrindoko amesema wameanza kutoa elimu kwa Wanananchi katika matumizi ya kutumia  nishati kwa kuandaa kongamano la Matumizi ya Nishati Safi kuanzia Tarehe 11/6/2024 hadi Tarehe 13 kongamano ambalo linajulikana kama MWANAMKE NA NISHATI SAFI linalofanyika Katika Ukumbi wa Mikutano wa Mpanda Sociall Hall Mpanda Mjini.

Amefafanua kuwa na kwa kiasi kikubwa  kwa zaidi ya asilimia  95 litahusisha wanawake  na wameamua  kutoa nafasi kubwa kwa wanawake kwa kuwa  watumiaji wa kwanza wa nishati isiyo safi ni wanawake  wanapokuwa wanapika na kuandaa chakula  na mambo mengine ndani ya familia .

Majiko banifu yanayotumia Nishati safi yakiwa katika viwanja vya ukumbi wa mikutano wa Mpnda Social Hall ambapo patafanyika Kongamano la Matumizi ya Nishati Safi kwa wananchi wa Mkoa wa Katavi.[Picha na Paul Mathias]

amebainisha kama Mkoa wa Katavi wameamua kuanza  kwanza na wanawake  katika kuwapatia elimu kuhusu  madhara ya kutumia nishati   isiyo safi  na  kuwapatia elimu ya kujua ni  nishati gani iliyosafi ya kutumia .

Amesema  faida   moja wapo ya kutumia nishati safi kuzuia  ukataji miti kwa ajiri ya kutafuta kuni na mkaa  kwa ajiri ya kupata nishati  ya kupikia.

Mkuu huyo wa Mkoa  amewaomba wananchi wa Mkoa wa Kataji na  Mikoa ya  jirani wafike kuweza kujionea maonyesho hayo  na siku ya kilele  kutakuwa na mafunzo na maada mbalimbali  ambazo zinahusiana  na namna bora ya mwanmke kutumia nishati safi ili kutunza mazingira.