RC AWATAKA WANANCHI KUZINGATIA MATUMIZI YA NISHATI SAFI

Na Jackison Gerald
 

Mkuu wa Mkoa wa Katavi mwanamvua Mrindoko amewataka wananchi kuzingatia matumizi ya nishati safi yakupikia  na  kuachana na uharibifu wa mazingira unao tokana na ukataji  miti hovyo kwaajili ya kuni na mkaa ili kuimarisha biashara ya hewa ukaa inayo tokana na misitu.

Kauli hiyo ameitoa wakati wa kongamano la nishati safi rililo fanyika katika ukumbi wa manispaa yam panda mkoani hapa ambapo amesema kuwa kuwepo kwa matumizi bora ya nishati safi kwa kila mwananchi kutaenda kuondoa adha ya uharibifu wa mazingira ambayo mara kadhaa imekuwa ikitokana na ukataji miti hovyo kwa ajili ya matumizi ya kupikia

            Mkuu wa Mkoa wa Katavi Mwanamvua Mrindoko akizungumza na wananchi katika kilele cha kongamano la nishati safi

Mrindoko ameeleza kuwa kuwepo kwa matumizi bora ya nishati safi kutazidi kuimarisha biashara ya hewa ukaa ambayo katika mkoa wakatavi imekuwa ikifanyika katika wilaya ya Tanganyika .

Amewataka wakuu wawilaya kuhakikisha wanasimamia utoaji wa elimu juu ya matumizi ya nishati safi  kwa wananchi na kuwasogezea huduma hiyo katika jamii ili kudhibiti kikamilifu changamoto ya uharibifu wa mazingira ikiwa ni sehemu ya malengo ya Rais wa jamhuri wa jamhuri ya muungano wa Tanzania  samia suluh hassan.

Mrindoko ameshiriki katika ugawaji wa gesi kwa baadhi ya wananchi ikiwa nisehemu ya hamasa ya matumizi ya nishati safi katika jamii.

 

           Mkuu wa Mkoa wakatavi katikati akishiriki zoezi la ugawaji wa majiko ya gesi kwa baadhi ya wananchi walio jitokeza katika kongamano hilo

Amezidi kubainisha kuwa matumizi ya nishati chafu kwa maana ya kuni na mkaa   yanachangia kuondoa uoto wa asili ,madiliko ya tabia ya nchi hivyo kuongeza changamoto ya upatikanaji wa nvua zisizo tarajiwa sambamba na mafuriko kuongezeka katika sehemu mbalimbali.

Pia ametoa ufafanuzi kuwa  kuendelea kuwepo kwa matumizi ya nishati chafu kutachangia kukosekana kwa mazao ya chakula kutokana na mabadiliko ya tabia ya nchi yanayo changiwa na ukataji wa misitu hovyo na wananchi watakuwa na hali ngumu ya ukosefu wa chakula ikiwa wataendelea na uharibifu wa mazingira 

Amesema kuwepo kwa matumizi ya nishati safi kutadumisha afya za wananchi kwani wengi wao wamekuwa wakipata sumu inayo tokana na matumizi ya nishati chafu kama vile kuni na mkaa.

 

      Wananchi walio hudhuria kongamano hilo wakiwa katika ukumbi wa manispaa ya mpanda

Baadhi ya wananchi walio hudhuria kongamano hilo wamekili kuwepo kwa matumizi makubwa ya nishati chafu nakueleza kuwa wanaenda kuimarisha matumizi ya nishati safi ikiwa nisehemu ya utunzaji wa mazingira huku wakieleza  lengo lao kubwa nikuona biashara ya hewa ukaa inazidi kukuwa katika vijiji mbalimbali mkoani hapa.

Mwisho