Athari za Mashine za Kusanga na Kukoboa Mahindi Karibu na Makazi ya Watu

 

Na Mwandishi wetu –Katavi.

Ufungaji wa Mashine za kusaga unga na kukoboa mahindi katikati ya Makazi ya watu umeleta changamoto nyingi,pamoja na kuwa mashine hizo zinatoa huduma muhimu kwa jamii,uwepo wake unakuja na athari za kiafya na kiuchumi ambazo zinahitaji umakini wa haraka kutoka mamlaka husika.

Kama inavyoonekana pichani ni moja ya jengo ambalo mashine zimesimikwa karibu na makazi ya watu,Maendeleo ni muhimu lakini tunapaswa pia kufikiria athari za mitetemo na vumbi vinavyotokana na mashine hizi kwa jamii

Tukizungumzia athari za kiafya, zinazotokana na mashine za kusaga unga, zinatoa vumbi linaloweza kuathiri mfumo wa kupumua kwa watu wanaoishi karibu na Mashine hizo.Vumbi hilo linaweza kusababisha magonjwa ya mapafu kama vile bronchitis na athari za muda mrefu kama asthama.

Kuhusu Mitetemo,Msingi wa Mashine hizo unazalisha mitetemo inayoweza kuathiri nyumba zinazozunguuka ,mitetemo hii inaweza kuleta matatizo ya kiafaya kama maumivu ya viungo na kuathiri  ubora wa maisha  kwa kuhamasisha wasiwasi na kutokuwa na utulivu.

Kuhusu Sauti kuu  inayotokana na mashine hizi inaweza kusababisha matatizo ya kusikia na kuongeza viwango vya wasiwasi kwa wakazi wa eneo hilo.

Hiki ni kinu cha moja ya Mashine za kusaga zinaleta mabadiliko,lakini pia changamoto za mazingira kwa wakazi wa karibu ni wakati wa kutafakari suluhisho.

Hali hiyo imewafanya wananchi wapaze sauti  kwa Mamlaka za kiutawala  kulalamikia hali hii, ambapo wanatarajia hatua kutoka  kwa Mamlaka za kiserikali kuanzia ngazi ya uongozi wa Serikali za Mitaa,Kata na Halmashauri kuchukua hatua za makusudi kuepusha zahama hiyo.

Hata hivyo Mamlaka husika zinaonekana kufumbia macho matatizo haya takribani ni miaka mine sasa tangu kuwepo kwa mashine hizo hadi leo, hali ambayo inazidisha  hasira kwa jamii.Mamlaka zinatakiwa kuchukua hatua za haraka kuhakikisha mashine hizo zinahamishwa.

Tunaweza kuendeleza  uchumi lakini hatupaswi kusahau kuhusu ustawi wa jamii,mitetemo na vumbi vinahitaji kushughulikiwa.

Kuhusu ukaguzi wa Afya na usalama Mamlaka ya Afya  na OSHA yaani Occpational Safety and Health Administration zinapaswa  kufanya ukaguzi wa mara kwa mara ili kuhakikisha mashine zinatumika kwa njia salama na kwamba wahusika wanasimamia vigezo vya usalama wa Afya.

Kwa upande wa Wataalam wa Mipango Miji,watu wa Ardhi wanapaswa kuzingatia mahali ambapo mashine za aina hii zinaweza kuwekwa,ili kuzuia athari za namna hii.

Kuhusiana na huduma za kijamii Mamlaka ya Kibiashara inapaswa kuhakikisha kwamba biashara zote zinazotoa huduma zinazohusiana na mazingira, na afya ya umma kwa usahihi.

Moja wa kijana anayeshughulika na mashine za kusaga zilizoko kwenye makazi ya wjamii,,jinsi ya kupunguza athari za mashine hizi kwa wakazi tunahitaji majadiliano kuhusu usalama na mazingira(.picha zote na maktaba)

Kwa Mantiki hiyo basi uwepo wa mashine za kusaga unga na kukoboa mahindi katikati ya makazi ya watu ni suala linalohitaji umakini wa haraka.

Athari za kiafya,mitetemo na sauti kubwa vinawanyima wananchi haki yao ya kuishi katika mazingira salama.

Hivyo basi ni jukumu la Mamlaka husika kuchukua hatua za makusudi na za haraka ili kulinda afya na ustawi wa jamii.

Wananchi wanahitaji  kuona hatua zikiwekwa ili kuleta mabadiliko chanya katika maisha yao ya kila siku kwenye makazi yao.