Na Jackison Gerald .
KATAVI.
Katibu wa siasa na uenezi wa CCM Mkoa wa Katavi Teonasi Kinyonto leo October 24 ametembelea ofisi ya chama cha waandishi wa habari Mkoa wa Katavi iliopo katika maeneo ya madukani kwa lengo la kujitambulisha baada ya kuteuliwa kushika wadhifa huo wa ngazi ya chama katika Mkoa wa Katavi.
Kinyonto alipokuwa kwenye ofisi hiyo alifanya mazungumzo na
mwenyekiti wa klabu ya waandishi wa habari Mkoa wa Katavi Walter Mguluchuma na
alieleza lengo la kutembelea ofisi hiyo ni
kujitambulisha kwakuwa anatambua mchango wa waandishi wa habari katika ujenzi
wa Mkoa na Taifa kwa ujumla.
Amesema anategemea kupata ushirikiano mkubwa kutoka kwa uongozi
wa Katavi Press club pamoja na waandishi wa habari wa Mkoa huu kwa ujumla
katika kutekeleza majukunu yake ya utendaji kazi ndani ya CCM Mkoa wa Katavi
kwa nafasi hiyo mpya aliyoteuliwa hivi karibuni
Aidha amewashukuru waandishi wa habari kwa jinsi walivyompa
ushirikiano wa hali na mali wakati wa kipindi chake cha uongozi alipo kuwa mwenyekiti
wa umoja wa vijana wa CCM Mkoa wa Katavi .
Mwenyekiti wa Klabu ya waandishi wa habari Mkoa wa Katavi Wolter Mguluchuma akifanya mazungumzo na Katibu wa siasa na uenezi Mkoa wa Katavi Teonas Kinyonto wakiwa katika ofisi za chama cha waandishi wa habari Mkoa wa Katavi.
Kwa upande wake Mwenyekiti wa Klabu ya waandishi wa habari
Mkoa wa Katavi Walter Mguluchuma amemshukuru Teonasi Kinyonto kwakuweza
kutambua mchango wa wanahabari wa Mkoa wa Katavi na kuona umuhimu wa kufika na
kuongea na uongozi wa Klabu ya waandishi wa habari ikiwa ni muda mchache tangu
alipo teuliwa kushika wadhifa huo.
Mguluchuma amemhakikishia kwaniaba ya waandishi wa habari
kuendelea kumpatia ushirikiano wa hali na mali katika kufanikisha utekelezaji
wa majukumu yake pindi atakapo kuwa anahitaji ushirikiano kutoka kwa waandishi
wa habari wa Mkoa wa Katavi
.PNG)
