MTANDAO WIZI WA PIKIPIKI WANASWA NA POLISI

Kamanda wa Polisi Mkoa wa Katavi,SACP Kaster Ngonyani akitoa taarifa ya utendaji kazi wa Jeshi hilo kwa kipindi cha Mwezi Oktoba 2024 kwa waandishi wa Habari Mkoa wa Katavi.

 Na Paul Mathias-Katavi

Jeshi la Polisi Mkoa wa Katavi limefanikiwa kuwakamata wahamiaji haramu 14 kutoka nchi za Ethiopia,Burundi na Jamhuri ya kidemocrasia ya Congo.

Ofisi ya Kamanda wa Polisi Mkoa wa Katavi.

Jeshi la Polisi Mkoa wa Katavi limefanikiwa kuwakamata wahamiaji haramu 14 kutoka nchi za Ethiopia,Burundi na Jamhuri ya kidemocrasia ya Congo.

Akitoa taarifa ya utendaji kazi wa Jeshi la Polisi kwa kipindi cha mwezi Oktoba 2024 kwa waandishi wa habari Mkoa wa Katavi Kamanda wa Polisi Mkoa wa Katavi SACP Kaster Ngonyani amesema wahamiaji hao wameweza  kukamatwa kupitia doria na misakombalimbali.

Ngonyani ameeleza kuwa kati ya wahamiaji hao haramu 14 waliokamatwa 9 wananatoka nchi ya Burundi huku wa 4 wakiwa raia wa Ethiopia na 1 akiwa raia wa Jamuhuri ya kidemocrasia ya Congo.

Amesema kuwa wahamiaji hao watafikishwa mahakamani baaada ya taratibu kukamilika ili kujibu tuhuma zinazo wakabili za kuingia nchini bila kibali.

Amewaomba wananchi wa Mkoa wa Katavi kutoa taarifa kwa jeshi hilo hususani zinazohusu wahamiaji haramu pamoja na makosa mengine ili kuendelea kuimarisha ulinzi na usalama kwa wananchi wa Mkoa wa Katavi.

Katika taarifa hiyo ya Jeshi la Polisi Mkoa wa Katavi imebainisha kuwa limefanikiwa kuwakamata watuhumiwa 84 wanaojihusisha na vitendo vya uhalifu.

Watuhumiwa 22 wamekamatwa wakiwa na dawa za kulevya aina ya bangi kete 136 huku watuhumiwa 12 wamekamatwa wakiwa na Pombe haramu ya Moshi[gongo] lita 105.

Aidha Jeshi hilo la Polisi Mkoa wa Katavi limefanikiwa kuwakamata Watuhumiwa 11 wakiwa na Pikipiki zinazodhaniwa za wizi ambazo 7 kati ya hizo hazina namba za usajili.

Amefafanua kuwa Pikipiki 7 walizokamatwa na watuhuhumiwa hao zinanamba za usajili wa MC.504 BVM aina ya Kinglion Pikipiki nyingine ikiwa na namba za usajili MC.946 DSC aina ya Kinglion na MC 556 EKE aina ya Haojue.

Pikipiki nyingine iliyokutwa na watuhumiwa hao ni MC.313 DVD aina ya Fekoni,MC 923 DGX aina ya Sanlg pamoja na Pikipiki MC.511 EAZ aina ya Haojue na Pikipiki MC 639 AXA aina ya TVS.

Aidha Jeshi hilo la Polisi Mkoa wa Katavi limefanikiwa kuwakamata watuhumiwa 4 waliohusika katika matukio ya ubakaji kwenye maeneo tofautitofauti ya Mkoa wa Katavi.