SONGAMBELE FOUNDATION YAIOMBA JAMII KUTOWATUMIA WENYE MAHITAJI MAALUMU KWA MILA POTOFU YA KUJIPATIA KIPATO.

 BHSF SONGAMBELE  FOUNDATION

Na  Walter  Mguluchuma

       Katavi .

Taasisi ya  BHSF (SONGAMBELE  FOUNDATION) imewasihi  wazazi  na watu wote kwenye Jamii  ambao wanawatoto wenye mahitaji  maalumu wasiwachukulie  watoto hao kuwa ni shida na laana kwenye jamii na  wasitumie mila potofu  kama  mtaji wa kuwaharibu zaidi  kwani baadhi ya wazazi  wana Imani potofu kuwa watoto hao ni sehemu ya kujipatia kipato .

Wito huu umetolewa na Mkurugenzi wa Taasisi ya BHSF (SONGAMBELE FOUNDATION )   Thomas Songambele)   inayojishughulisha na kuwaunganisha watoto wenye mahitaji maalumu ya kiafya kwa ajiri ya kupatiwa matibabu  wakati wa hafla ya mwaka ya kuishukuru Taasisi hiyo na wadau mbalimbali kwa kazi kubwa wanayo fanya .

                                           

Mkurugenzi wa Songambele Foundation Thomas Songambele akielezea Taasisi hiyo inavyo wa unganisha watuwemye mahitaji maalumu jinsi inavyo shirikiana na wadau katika kuwasaidia kupata huduma ya matibabu.

Songambele  ametaja baadhi ya  shughuli wanazo fanya kwa kushirikiana  na wadau  ni   kama vile   kuwapeleka kwenye matibabu  watoto wanao zaliwa na vichwa vikubwa , mdomo sungura , matege ya nje na ndani  mgongo wazi  na wale wanaopata tatizo wakati wa kuzaliwa mtoto  asiye kaa, shingo  kukaza wasio omega hao wote wanawahudumia.

Amebainisha kuwa hayo ndio wamekuwa wakiyafanya  na  kwa mwaka huu wameisha wapeleka   hadi sasa watoto 20 kwa ajiri ya matibabu katika hospitali za Rufaa zinazotowa huduma ya matibabu hayo ikiwepo hospitali ya Rufaa ya KSMC ya Mkoani Kirimamjaro .

Kuhusu taasisi hiyo na mwelekeo wao  kama ilivyoanza ni kwa ajiri  ya watoto wasio jiweza  cha kwanza awe asemi ,  awe atembei  awe  hana utambuzi kama watoto wengine  ambao  tunapaswa kumwona nao kama walivyo watoto wengine .

  Wazazi wakiwa na watoto wao wenye mahitaji maalumu wakati wa hafla ya kuishukuru taasisi ya Songambele Foundation na wadau mbalimbali walio wezesha kufanikisha matibabu ya watoto ambapo kwa mwaka huu jumla ya watoto 20 wamepatiwa matibabu kwenye Hospitali za Rufaa KSMC na CCBRT.

 

Amewasisitiza wazazi na watu wote kwenye jamii  ambao wana watoto wenye mahitaji maalumu watambue kuwa watoto hao sio laana  na wasiwachukulie kuwa ni shida  kwenye familia na  pia  mila potofu  zisichukuliwe kuwa ni mtaji  kwani baadhi ya watu wanaimani potofu za kuwa ukimuua  mtoto  mwenye ulamavu  utapata fedha na mali  hiyo ni hapana.

 Amesisitiza wazazi na walezi wenye watoto wa namna hiyo wawapeleke kwenye shirika hilo wao watawasaidia  na sehemu yoyote  ambayo watamwona mtoto mwenye matatizo hayo  wawaomyeshe kwenye shirika hilo  ili waweze kuondolewa changamoto zao kwa kupelekwa kwenye matibabu Hospitalini . 

 

Amefafanua kuwa watoto wenye mahitaji maalumu  na watoto kwa jumla  malezi yamepungua  sana na baadhi ya wazazi wamebaki kusema jeshi la polisi   likazuie ukatili  jambo ambalo sio sahihi kwani jukumu la kuwalea watoto  lipo kwenye jamii  hivyo wao ndio  wenye wajibu wa kwanza wa kuwalea watoto wao  na wawe mabalozi wa kuwalea watoto hao .

Afisa  Maendeleo ya Jamii Mkuu wa Mkoa wa Katavi Anna Shumbi   ofisi yake inafahamu kazi kubwa inayofanywa na taasisi hiyo na hivyo watu wanapaswa kuiona kazi hiyo sio ya  Songambele Foundation peke yake bali ni kazi ya kila mtu   anapaswa kuifanya kwa nafasi yake  hivyo tunapaswa kuitambua kazi wanazo fanya na tuwaige .

    Afisa Mkuu wa maendeleo ya jamii Anna Shumbi akiwahutubia wazazi wenye watoto wenye mahitaji maalumu katika hafla iliofanyika katika kituo cha songambele foundation.

Amesema  watoto wenye mahitaji maalumu wanayo haki sawa kama ilivyo kwa watoto wengine  ya kupata malezi mazuri  na pia kulindwa na vitendo vya ukatili  na wanayohaki ya kujifunza na kupata elimu  kwa hivyo sio sawa kiwaficha nyumbani watoto wenye mahitaji maalumu  n ahata kutotaka watu wasijuwe kama una mtoto  mwenye mahitaji maalumu  hiyo haikubaliki katika ulimwengu wa sasa.

Shumbi amesema Serikali ipo  kuanzia kwenye ngazi za chini   kwa hari hiyo ni jukumu la  kila mtu kuwaibua  watu wenye mahitaji  kwenye maeneo yao  na kujua mahitaji yao na  kuwafikisha kwa Songambele Foundation ambao wapo kwa ajiri hiyo .

Nae Geturda  Mlokozi ambae ni mama  wa watoto wawili mapacha  amesema  watoto wake walizaliwa wote wawili wakiwa na matege na walikuwa wakitembea kwa shida  baada ya muda wakawa wameshindwa kabisa kitembea na  vifua vyao vilikua  vikubwa .

Ameeleza kuwa kufatia changamoto hiyo alilazimika  kwenda kuwasiliana na Taasisi hlyo ambayo  ilimsaudia kumuunganisha na wadau wake na kuweza  kupatiwa matubabu watoto wake wote wawili ya upasuaji na sasa hivi wote wawili wanatembea kama kawaida

 

                           MWISHO

 

 

 

 

 

ReplyForward Add reaction