TAKUKURU MKOA WA KATAVI WAWAPIGA MSASA VIONGOZI WA VYAMA VYA SIASA KUELEKEA UCHAGUZI.

 

 

 Kaimu Mkuu wa Takukuru Mkoa wa Katavi Stewart Kiondo akifungua kikao kazi cha kuwajengea uwezo viongozi wa vyama vya siasa vya Mkoa wa Katavi ili kuwa na uelewa wa kupinga rushwa katika kuelekea uchaguzi wa 2024/2025

Na  Walter  Mguluchuma

  Katavi.

Taasisi ya  Kuzuia    na  Kupambana  na Rushwa (TAKUKURU)  Mkoa wa Katavi  imewapatia  mafunzo  viongozi wa  vyama vyote  vya siasa vilvyopo  katika  Mkoa wa Katavi  juu ya utaratibu  bora  wa kuelimisha wananchi  pamoja na wanachama wao madhara ya rushwa ikiwa nikatika kuelekea   uchaguzi wa 2024 na 2025 na  hatimae wananchi  waunge    mkono mapambano    dhidi ya Rushwa ya kisiasa wakati wa uchaguzi .

Mafunzo  hayo ya siku  moja yamefanyika  katika ukumbi wa  Mikutano wa  Ofisi ya  Mkuu wa Mkoa na kuhudhuriwa na viongozi wa vyama vya siasa  wa  ngazi ya  Mkoa  na  Wilaya .

Kaimu  Mkuu wa   Takukuru Mkoa wa Katavi Stewart Kiondo  amewaambia washiriki wa  mafunzo hayo ya siku moja kuwa   lengo la kuwapatia mafunzo hayo ni  kuwajengea uwezo  juu ya utaratibu  bora  wa  kuwaelimisha wananchi na wanachama wao  ili wajuwe  madhara ya Rushwa  wakati wa uchaguzi  na baada ya uchaguzi .

 Viongozi wa vyama vya siasa wakiwa kwenye kikao cha kuwajengea uwezo namna ya kupinga rushwa kwenye uchaguzi wa serikali za mitaa 2024 na uchaguzi wa Raisi wabunge na madiwani 2025.

Amesema  Takukuru Mkoa wa Katavi  wanaendelea  kuweka  mikakati ya pamoja   pamoja  na vyama vya siasa  na wadau  mbalimbali  ili kuwa na  mkakati wa   pamoja  ili  waweze kusaidiana  kuzuia  Rushwa za  siasa na Rushwa  nyingine .

Kiondo  ameeleza kuwa  mafunzo  hayo  yatasaidia pia  kupata  uzoefu  wa  mchango wa   vyama  vya siasa  katika   kuzuia  na kupambana  na  Rushwa   pamoja na kuweka mikakati  ya  pamoja  katika kuelekea  uchaguzi wa  Serikali za  Mitaa   2024 pamoja na uchaguzi wa Rais  Wabunge  na  madiwani  2025 hicho  ndicho kikubwa wanachokitegemea kupata  ushirikiano  na kuweza  kutatua  matatizo  hayo  ya Rushwa .

Hivyo  wanapoelekea  kwenye   chaguzi hizo wanapaswa kubadilika  kutoka  kuiona  Rushwa  kama  jambo la  kawaida  na waanze kuiona  Rushwa  kama  janga lililovamia  nchi na lipo  katika  jamii yetu  likiwa  na  madhara ya kuleta  umasikini  katika  nchi  yetu .

 Maafisa wa Takukuru wakiwa katika picha ya pamoja  na viongozi wa vyama vya siasa vya Mkoa wa Katavi mara baada ya kumaliza kikao kazi 

Mchunguzu Mwandamizi wa  Takukuru Mkoa wa Katavi   Leonard Minja  amesema Takukuru wataendela kutowa  elimu kwa wananchi  kuhusu Rushwa  na  madhara yake  kwa  kuwa  Tanzania  inahitaji  kuwa  na wananchi wazalendo wasio jihusisha  na Rushwa .

Mkuu wa Mkoa wa Katavi  Mwanamvua  Mrindoko   amevishukuru vyama vya siasa kwa kuweza kujitokeza kushirika  kwenye uchaguzi  huu wa serikali  za Mitaa  kwa wagombea wao kuchukua fomu na kuweza kuzirejesha .

 Katibu wa  siasa  na  uenezi   wa  Ccm  Mkoa wa Katavi Teonas Kinyonto  ameviomba   vyombo ambavyo  vinasimamia ulinzi  na  usalama  katika  Mkoa wa Katavi vihakikishe  vinasimamia usalama ili ichaguzi uwe wa amani .

Na  Erasto Wegolo katibu wa chadema Mkoa wa Katavi ameitaka  Takukuru  wakati wa kipindi hiki cha uchaguzi wanapokuwa wamepokea  malalamiko ya tuhuma za Rushwa wahakikishe wanazitatua kwa wakati .

                       MWISHO