TAKUKURU YAOKOA ZAIDI YA MILION 14 WILAYA YA TANGANYIKA

 

Kaim Mkuu wa Takukuru Stewart Kiondo akisoma ripoti ya robo ya kwanza ya julai hadi septemba 24 kwa waandishi wa habari wa Mkoa wa katavi

KATAVI

Na Jackison Gerald

Taasisi ya kuzuia na kupambana na rushwa (Takukuru) Mkoa wa Katavi  imefanikiwa kuzuia kiasi cha shilling Milion kumi na nne, laki tano na arobain elfu (Sh. 14,540,000/=) kutofanyiwa ubadhirifu na baadhi ya watumishi wasio waadilifu kutoka idara ya fedha katika Halimashauri ya wilaya ya Tanganyika.

Akisoma ripoti ya utekelezaji wa majukumu katika robo ya kwanza ya julai  hadi  septemba 24,Kaimu Mkuu wa Takukuru Stewart Kiondo amesema fedha hizo zilitolewa na halimashauri hiyo katika akaunti ya mapato kwa ajili ya kuwa kopesha wajumbe wa jumuia ya uhifadhi wa misitu ya milima ya Ntakata(JUMININTA) iliopo katika halimashauri ya Wilaya ya Tanganyika.

Amesema wajumbe hao walipatiwa fedha hizo kwa ajili ya kuwawezesha kuhudhuria maazimisho ya siku ya mazingira duniani mwaka 2024 ambayo kwa Tanzania yalifanyika Dodoma kuanzia tarehe 3/06/2024 hadi 6/07/2024.

Amebainisha kuwa ubadhirifu wa fedha hizo ulitakiwa kufanyika kupitia akaunti ya mtu binafisi nasio katika akaunti ya halimashauri ya wilaya hiyo.

Pia kiondo amesema katika ufuatiliaji wa miradi ya maendeleo  katika wilaya ya Tanganyika Takukuru imefanikisha  kurejesha mifuko 50 ya saruji yenye thamani ya shilingi Milion moja laki moja na ishirini na tano elfu(Sh.1,125,000/= ambayo  iliazimwa na kiongozi wa Kata tangu mwaka 2023 na kugoma kuirejesha  kulingana na makubaliano.

Sambamba na hayo amewaasa wazabuni wanao tumia mashine za( EFD) ambazo hazijasajiliwa katika mfumo wa TRA na kuwasilisha bidhaa ambazo Halimashauri zina lipa kwa kutoa risiti ambazo hazipo kwenye mfumo wa TRA kuwa wakibainika watachukuliwa hatua za kisheria.

Katika hatua nyingine Kiondo amebainisha kuwa Taasisi ya kuzuia na Kupambana na rushwa (Takukuru )haito sita kuchukua hatua kali za kisheria  kwa watumishi wa serikali wasiowaadilifu watakao shirikiana na wazabuni kuhujumu miradi ya maendeleo inayo tekelezwa na serikali .

Kiondo ametoa rai kwa wananchi kuelekea uchaguzi wa serikali za mitaa kutojihusisha na vitendo vya rushwa ambavyo wenda vikachangia kutopata viongozi bora na wenye sifa kwaajili ya maendeleo ya Mkoa na Taifa kwa ujumla.

Takukuru Mkoa wa Katavi imefuatilia miradi Thelathini na Tatu (33) yenye thamani ya shilingi bilioni 46 katika sekta ya elimu,Kilimo,Afya,uchumi ,Biashara na Miundombinu.

                                               MWISHO